28 шілдеде Қазақстанның барлық өңірлерінде вирустық гепатит туралы халықтың хабардарлығын арттыруға бағытталған Дүниежүзілік гепатитке қарсы күрес күні атап өтіледі.
Жүргізіліп жатқан ақпараттық компанияның ұраны – «Гепатитпен күрес: кедергілерді жойайық». Дүниежүзілік күн гепатитті жоюға және бауыр қатерлі ісігінің тиімді алдын алуға кедергі келтіретін қаржылық, Әлеуметтік және жүйелік факторларды (стигматизацияны қоса) жою бойынша шұғыл шаралар қабылдауға шақырады.
Қазақстанда жіті вирустық гепатиттердің таралуы өсуде. Санэпидэкспертиза және мониторинг ғылыми-практикалық орталығының деректеріне сәйкес, 2024 жылы вирустық гепатиттермен сырқаттанушылық 100 мың тұрғынға шаққанда 12,2 құрады. Бұл көрсеткіш 2023 жылмен салыстырғанда 19,6% - ға өсті. Қазақстанда ең көп тарағандары А гепатиті (92%), В гепатиті (2,3%), С гепатиті (4%).
2016 жылы 2030 жылға қарай С вирустық гепатитін жою жөніндегі жаһандық бағдарлама жұмысын бастады. ДДҰ Қазақстанды осы бағдарламаны Орталық Азия мен ТМД кеңістігінде орындауда көшбасшы деп таныды.
Созылмалы В және С гепатиттері бауырдың ауыр зақымдануын, соның ішінде қатерлі ісік ауруын тудырады, алайда оларды алдын алуға және бақылауға болады, ал С гепатиті жағдайында толық емдеуге болады. Ақпараттық науқанның таңдалған тақырыбы ұлттық денсаулық сақтау жүйелері шеңберінде гепатитке қарсы кешенді шараларды, соның ішінде вакцинациялауды, инъекцияларды қауіпсіз орындауды, бауырға жағымсыз әсерлерді барынша азайтуды және ең алдымен, гепатитті диагностикалау мен емдеуді ретке келтіру және кеңінен енгізу қажеттігін еске салады.
Айта кету керек, қазіргі уақытта Қазақстан В және С гепатиттерін толығымен тегін тестілеу және емдеу жүргізілетін Орталық Азиядағы санаулы елдердің бірі болып табылады.
