Медицина қызметкерлерін оқыту аясында Павлодар облыстық АИТВ-инфекциясының алдын алу орталығында өзекті мәселелер бойынша тоқсан сайын оқыту семинары өтті.
Семинар жұмысына өңірдің медициналық ұйымдарында АИТВ-ның алдын алу мәселелеріне жауапты мамандар қатысты.
Кездесу барысында АИТВ-мен өмір сүретін адамдардың АИТВ-ға қарсы және С вирустық гепатитін вирусқа қарсы емдеумен қамтылуына байланысты проблемалар талданды. Оларды шешудің нұсқалары ұсынылды, жедел тестілеу әдісімен АИТВ-инфекциясын зертханалық диагностикалау бойынша жүргізіліп жатқан жұмыстар түсіндірілді. Медицина қызметкерлері мен жалпы халық арасындағы авариялық жағдайларға егжей-тегжейлі талдау жүргізілді, сондай-ақ АИТВ-ның экспозициядан кейінгі профилактикасының нұсқалары ұсынылды.
