Мамырдың үшінші жексенбісінде әлем жұртшылығы ЖИТС-тен қайтыс болған адамдарды еске алу күнін атап өтеді. Мұндай күндер АИТВ-инфекциясының алдын-алудың маңыздылығын, сіздің денсаулығыңызға жауапкершілікпен қарау және уақтылы тексеру қажеттілігін еске салады.
Бүгін Павлодар облыстық АИТВ-инфекциясының алдын алу орталығы ұйымдастырған акция Ломов көшесі, 47/1, орталық ғимаратының жанындағы аллеяда өткізілді. Іс-шара жастардың да, аға буын өкілдерінің де назарын аударды.
Қоршау бойына ілінген көрпелер СПИД-тен қайтыс болған әр түрлі жастағы адамдарды еске түсірді. Акция барысында орталықтың медицина қызметкерлері өтіп бара жатқан адамдарға АИТВ-инфекциясының алдын алу, Вирустың берілу жолдары және қорғау тәсілдері мәселелері бойынша кеңес берді. Барлық ниет білдірушілер АИТВ-статусын анықтау үшін жедел тестілеуден өте алды.
«Сен жалғыз емессің» қоғамдық бірлестігінің өкілдері АИТВ туралы айтып, жалпы мифтерді жоққа шығарды және халықтың хабардарлық деңгейін арттыруға бағытталған сауалнама жүргізді.
