Павлодар облысында репродуктивті денсаулық апталығы басталды. 12-16 мамыр аралығында медициналық ұйымдарда, жастар денсаулық орталықтарында дәрістер, тренингтер, онлайн-вебинарлар, интерактивті кездесулер, Ашық есік күндері өткізіледі. Жастарға өзін-өзі күту, саналы шешім қабылдау және денсаулығына жауапты болу туралы ақпарат беріледі.
Аптаның әр күні жеке тақырыпқа арналған: Отбасын жоспарлау, қыздар мен жігіттердің денсаулығы, жыныстық жолмен берілетін инфекциялардың алдын алу, адам папилломавирусына қарсы вакцинация, АИТВ-ға жедел тестілеу, жеке қорғаныс құралдары. Апта қорытындысы бойынша қатысушылар өз идеяларын ұсынады, ал мамандар ұсыныстар дайындайды.
Анықтама үшін: соңғы 5 жылда елде 18 жасқа дейінгі қыздар арасында жүктіліктің 12 мыңға жуық жағдайы тіркелді. 15 пен 19 жас аралығындағы жасөспірімдердің үштен бірінде жыныстық тәжірибе бар. Бірақ БҰҰ қорының халық саласындағы зерттеуіне сәйкес, шамамен 90% АИТВ-инфекциясы және ЖИТС туралы жеткілікті білімі жоқ.
Павлодар облыстық АИТВ-инфекциясының алдын алу орталығында репродуктивті денсаулық апталығы шеңберінде репродуктивті жастағы әйелдерді қабылдау жүргізіледі.
Жоғары білікті мамандар – гинеколог, дерматовенеролог, психотерапевт жыныстық жолмен берілетін инфекциялардың, оның ішінде АИТВ, гепатит, мерездің алдын алу, жастардың репродуктивті денсаулығы және АИТВ-дан қорғау мәселелері бойынша консультациялар өткізеді.
Біз Павлодар қаласы, Бектұров көшесі, 50а мекенжайындамыз. қабылдау уақыты сағат 09.00-ден 17.00-ге дейін.
